Boys Dating Girls Chapter 14: There She Is

Chapter 14: There She Is.


Naku, patay. Hindi ko nga pala alam kung saang lupalop ng bansa matatagpuan ang bahay nina Jennie, at tsaka wala man lang sinabing address si Elaine. Pambihira, para tuloy akong sumugod sa giyera na wala man lang dalang armas.

Nagmamaneho ako ngayon at sa parehong pagkakataon, tinatawagan ko si Elaine para mahingi ang address ni Jennie.

Pagkatapos kong matawagan si Elaine, pinuntahan ko na agad yung lugar na sinasabi niya.

Ilang sandali lang ay nahanap ko na rin sa wakas ang bahay nina Jennie. Pinarada ko sa harap ng gate ang kotse at bumaba na.

Nagdadalawang-isip pa nga ako kung pipindutin ko na ba yung doorbell o hindi pa. Paano na kung ang magbukas ng gate ay mga magulang ni Jennie. Anong sasabihin ko?

Bigla nalang nag-appear sa mind screen ko ang isang ulap na may mukha ni Elaine sa gitna.

"Kasi kapag nagbiro ka pa ulit sa 'kin. Sasabihin ko sa papa ko na ifire out ang papa mo sa kompanya." sabi niya.

Erase. Erase. Ayan na, pipindutin ko na ang doorbell. Para sa trabaho ng papa ko, para sa kapakanan ng pamilya ko at para sa magiging kinabukasan ko!

Ding dong.

Ilang sandali, biglang bumukas ang gate na ikinagulat ko. Isang lalakeng mga kaedad ko lang ang tumambad sa harapan ko.

Tiningnan niya ako mula ulo hanggang paa at binusising mabuti ang bawat sulok ng mukha ko. Ano namang problema ng isang 'to?

"Bakit? Anong sadya mo?" tanong niya.
"Si Jennie?" tanong ko.
"Kanina pa siya umalis. Bakit mo siya hinahanap?" sabi niya.
"Ako kasi ang escort niya. Nauna na pala siya. Kung ganon, aalis na ako. Salamat." sabi ko.
"Wait. Ano nga pala ang buong pangalan mo?" tanong niya.
"Sid Wilson de Guzman." sagot ko at nakita kong nagulat siya dun.
"Kaano-ano mo si Nica de Guzman?" tanong niya.
"She's my sister. Bakit?" tanong ko.
"I'm her ex-boyfriend. Ako nga pala si Jeff Ocampo." sagot niya.

So, siya pala ang ex-boyfriend ni Ate Nica. Siya yung playboy? Oh, I see, playboy nga talaga ang itsura.

Pero teka, bakit nandito siya sa bahay nina Jennie? Kaano-ano niya si Jennie? Naguguluhan na talaga ako.

"Hindi mo pa nga pala natatanong. Pinsan nga pala ako ni Jennie." sabi niya.

Pinsan? As in cousin? Ibig sabihin non, magpinsan din sina Yna at Jennie?

"Ganon ba, sige aalis na 'ko. Kailangan ko pang humabol sa party eh." sabi ko at sinarado na niya ang gate.

Sobra sobra na ang mga naging revelations sa araw na 'to. Una dun kay Elaine, na presidente pala ng kompanyang pinagtatrabahuan ng papa ko yung papa ni Elaine, sumunod naman 'tong si Jeff Ocampo.

Hay, so much for that. Kailangan ko pang hanapin si Jennie. Sana naman magpakita na siya. Teka, sinabi ng pinsan niya na kanina pa daw siya umalis? Matawagan nga si Elaine.

"Kanina pa daw umalis si Jennie." sabi ko.

Bigla kong inilayo sa tenga ko ang cellphone ko dahil sa lakas ng sigaw ni Elaine.

"ANO!? E Bakit wala pa siya sa school ngayon!? Thirty minutes nalang at magsisimula na ang party, kailangang mahanapan mo ito ng paraan!" sigaw niya at pinutol na niya ang linya.

Pambihira ka talaga Jennie. Saan ba kita mahahanap? Ako pa tuloy ang napagbuntunan ng galit ni Elaine. Magpakita ka na please.

Biglang may umilaw na light bulb sa ulo ko. Naalala ko yung pag-uusap na narinig ko noon sa locker room, kayo naalala niyo pa ba? Tama ang hinala ko, si Loraine ang may kagagawan ng lahat ng ito. Sino naman kaya ang pwedeng makatulong sa akin?

"Hello, Chester?" sabi ko.
"Sid, buti napatawag ka." sabi ni Chester.
"Alam mo ba kung nasaan si Jennie ngayon?" tanong ko.
"Oo, alam ko. Buti naman at natanong mo." sagot ni Chester.
"Sabihin mo, nasaan siya ngayon?" tanong ko.
"Relax. Ayon sa mga nasagap kong impormasyon, nasa malapit na beerhouse siya ngayon." sagot niya.
"Sige, salamat." sabi ko.

Pinaharurot ko naman agad ang kotse at pinuntahan ang pinakamalapit na beerhouse na matatagpuan sa lungsod na ito.

Pumasok ako ng walang pag-aalinlangan sa beerhouse na tinutukoy ni Chester. Nakita ko agad si Jennie sa isang table kasama ang dalawang lalaki. Napansin kong nakabihis na pala siya para sa Aquaintance Party. Nilapitan ko sila at hinila ang braso ni Jennie.

"Jennie, tayo na. Lasing ka na." sabi ko at inawat naman ako ng isang lalaki.
"Sino ka ba? Wag ka ngang makialam dito. Hindi mo ba nakikita na nag-iinuman pa kami dito?" tanong ng lalaki.

Ang baho naman ng hininga ng isang 'to. Mukhang kailangan ko pa munang patulugin ang mga 'to bago ko makuha si Jennie. Shit, siguradong malaking eskandalo ito sa loob ng beerhouse.

Bahala na, para sa trabaho ng papa ko, para sa kapakanan ng pamilya ko at para sa magiging kinabukasan ko!

Boogh!

Natumba yung lalaki kasabay ng pagkabasag ng mga bote ng beer sa mesa.

Bigla akong hinablot ng isang lalaki at pinulupot niya ang braso niya sa leeg ko, yung tipong masasakal na ako.

Kumuha ako ng isang bote ng beer at pinukpok ko iyon ng napakalakas sa ulo niya. At mistulang nagshower ng beer sa loob ng beerhouse. Natumba ang lalaki sa sahig kasabay ng pagdaloy ng dugo mula sa kanyang ulo. Nakakaawang tignan ngunit pinabayaan ko nalang.

Binuhat ko agad si Jennie at isinakay ko siya sa backseat ng kotse upang makatulog siya ng maayos. Tinawagan ko naman si Elaine.

"Sorry, Elaine. Mukhang hindi na yata makakaabot si Jennie." sabi ko.

Inilayo ko ulit sa tenga ko yung cellphone ko dahil sa lakas ng sigaw ni Elaine.

"ANO!? BAKIT!? Anong nangyari sa kanya?" tanong ni Elaine.

Tiningnan ko nalang ang maamong mukha ni Jennie na ngayo'y mahimbing na natutulog.

Panibagong problema na naman. Saan ko ba dadalhin si Jennie ngayon? Pag dinala ko siya sa bahay nila, baka kung ano pang isipin ng pinsan niya? Alangan na dalhin ko siya sa school, lalo lang lalala ang sitwasyon.

"Ah, Elaine. Pwede mo ba akong tulungan sa problema ko ngayon? Ii-explain ko nalang later kung anong tunay na nangyari kay Jennie." sabi ko.
"May problema pa nga ako, tapos idadagdag mo pa yung problema mo." sabi niya.
"Makinig ka muna please. Baka sakaling makatulong ka." sabi ko.
"Sige. Ano yun?" tanong niya.

Laking pasalamat ko at pinagbigyan niya ako. Napagtanto ko ngayon na may tinatago din palang kabaitan 'tong si Elaine.

"Saan ko ba pwedeng dalhin si Jennie?" tanong ko.
"Teka, ano ba talagang nangyari sa kanya?" tanong ni Elaine.
"Di ba sabi ko, I'll explain later. Ngayon, saan ko siya pwedeng dalhin?" tanong ko.
"Maybe in our house, see me nalang in front of the restaurant." sagot niya.
"Okey." sabi ko.

Pinaharurot ko na ang kotse at sa wakas ay nakarating na rin ako sa harap ng restaurant. Sumakay naman agad sa front seat si Elaine.

Tiningnan niya muna si Jennie na mahimbing na natutulog sa backseat bago niya ako tiningnan.

"What happened to her?" tanong ni Elaine.
"She was drunk." sagot ko at nagulat si Elaine.
"O, bakit nakabihis na siya? Umattend ba muna siya ng party bago nakipag-inuman?" tanong niya.
"May foul play na nangyari." sagot ko at nakita kong naguguluhan na si Elaine.
"Anong ibig mong sabihin?" tanong niya.
"Somebody hires two male civilian para itempt si Jennie na uminom. Sinadya ito para hindi makaattend ng party si Jennie." paliwanag ko.
"And who do you think could possibly do this?" tanong ni Elaine.
"Sigurado akong si Loraine ang may kagagawan nito. But we don't have any concrete evidences yet." sabi ko.
"Pano mo naman nalaman?" tanong ni Elaine.
"She is insecure with Jennie and that was her main alibi, I think." sagot ko.
"Ihinto mo na ang kotse. Nandito na tayo." sabi ni Elaine.

At gaya ng sinabi niya, hininto ko ang kotse at ipinarada ito sa tapat ng gate nila.

Can you think of a word that could surpass the word 'mansion'? Marahil palasyo. Oo, palasyo, yan ang description ko sa bahay nina Elaine.

Binuhat ko si Jennie patungong guestroom. At paglapag ko sa kanya sa kama ay biglang nalaglag ang cellphone niya.

Tiningnan ko ito at nakita ko ang humigit kumulang 20 missed calls from Louie. Nagkabalikan kaya sila? Bakit ganon nalang kaconcern si Louie kay Jennie?

"Hayaan na muna natin siya dito. Doon na tayo sa sala, kailangan pa nating gamutin yang pasa mo sa pisngi." sabi ni Elaine at napahawak naman ako sa pisngi ko.

Di ko maalala kung saan ko nakuha 'tong pasang 'to. Sa pagkakaalala ko, hindi naman ako nabugbog ng dalawang lalaking nakaengkwentro ko kanina.

"Ayan, tapos na." sabi ni Elaine matapos niyang gamutin ang pasa sa pisngi ko.

Napansin ko namang panay ang titig niya sa akin.

"O bakit?" tanong ko.
"Hindi. May naalala lang kasi ako." sagot niya.
"Naalala mo yung nangyari noong Intramurals no?" tanong ko.
"Buti naman at naalala mo pa." sagot niya.
"Siyempre, ako pa." sabi ko at binatukan niya ako.
"Aray. May sinabi ba akong masama?" tanong ko sabay himas ng ulo ko.
"Wala lang. Trip ko lang mambatok." sagot niya.

Ang lakas ng trip. Akalain mo, pwede na palang gawing trip ang basta-bastang pambabatok.

Ilang sandali ay biglang tumunog ang cellphone ko. Naku, si Papa? Nag-aalala na yata sila sa akin. Kaya sinagot ko naman.

"Hello, Pa. Sorry kung natagalan ako." sabi ko.
"It's okey. Magcocommute nalang kami ng Mama mo. Alam kasi naming busy ka sa date mo with Elaine." sabi ni Papa.
"Pero, pa..." sabi ko pero pinutol na niya ang linya.

Anak ng balyena. Pambihira, kilala na ba nila si Elaine? At saang lupalop ng bansa nila napulot yung balitang dinidate ko ngayon si Elaine.

Nakita ko rin si Elaine na may kausap sa phone.

"Pero pa..." sabi niya tapos tinanggal niya sa tenga niya ang phone niya at tinapon sa sofa.

Nagkatinginan kaming dalawa at nagulat sa isa't isa.

"KILALA KA NG PAPA KO!?" sabay naming sinagaw at pagkatapos ay umayos kami ng upo.

Ilang sandali din kaming nanatili sa parehong posisyon. Walang sinuman ang nagsasalita, dahil walang gustong maunang magsalita.

Biglang dumaan sa harap namin ang katulong nila at may nilapag na Iced Tea.

Halos magkasabay ang pagkuha at pag-inom namin sa Iced Tea.

"Ahem, aalis na ako." sabi ko.

Ngunit hindi man lang siya kumibo. Saka lang siya nagsalita nong nasa may pintuan na ako.

"Mamaya ka na umalis. Di ba ihahatid mo pa si Jennie? Umupo ka muna dito at magkuwentuhan tayo." sabi niya.
"Tungkol saan?" tanong ko at naupo naman ako sa tabi niya.
"Kahit ano." sagot niya.
"Alam mo ba yung kwento ni Pagong at ni Matsing?" tanong ko at binatukan niya ako.
"Alam ko na yun. Hindi na 'ko bata no." sagot niya.
"Aray. Eto nalang, sagutin mo nalang 'to." sabi ko.
"Ano naman yun?" tanong niya.
"Papano mo ipapasok ang buwaya sa refrigerator?" tanong ko at nag-isip naman siya.
"Hindi ko alam. Pano nga ba?" tanong niya.
"Simple lang, putol-putulin mo yung mga parte ng katawan ng buwaya saka mo ipasok." sagot ko.
"Ano ba yan? Hindi naman nakakatawa." sabi niya.
"Eto pang isa. Si Lion King ang hari ng kagubatan. Nagpatawag siya ng general meeting sa lahat ng mga kahayupan, pero may isang hayop na hindi nakarating, anong hayop yun?" tanong ko at nag-isip ulit siya.
"Hindi ko alam. Ano nga ba?" sabi niya.
"E di yung buwaya, kasi pinasok siya kanina sa refrigerator." sabi ko at nagtawanan kami.
"Langya." sabi niya.
"Heto. Gusto mong tumawid ng ilog pero dun sa ilog na yun ay may nakatirang pating. Pano mo tatawirin ang ilog nang hindi gumagamit ng bangka?" tanong ko.
"Ng hindi gumagamit ng bangka? Hmmn, di ko alam." sabi niya.
"E di, lalanguyin mo." sagot ko.
"Di ba may pating nga." sabi niya.
"Safe ka namang lumangoy dun sa ilog kasi yung pating dumalo sa general meeting na pinatawag ni Lion King." sabi ko at nagtawanan ulit kami.